5 جمل هتعيد تفكيرك في كل حاجه بعدهم

انا مين ؟ .المفروض اعمل ايه ؟.انا تايهه ومش عارف افكر ؟.هما ليه بيعملو معايا كده؟ تفتكر هقدر ؟

الخمس جمل دول كفيلين يغيرو حياه بني ادم كامله في وقت 

قياسي

انا مين؟!

السوال ده انا سالته نفسي وانت سالته لنفسك قبل كده

انا مين !
متهربش واقرا للاخر كفايه علوقيه بقي

تعالي اقولك علي شويه حاجات صغيره كده وبعدها شوف انت مين

و زي مرقم 7 رقم معجزات دايما

هتكلم عن 7 اشخاص

الشخصيه الاولي

شاب عادي جدا كان بيذاكر وبيروح كليته او مدرسته شاطر جدا في التعليم بيحاول يطلع من الاوائل دايما بيفكر ازاي يبقي احسن واحده في مجال التعليم مهمل في علاقته مع الناس مفيش حاجه فارقه معاه الا التعليم بس مقتنع مليون في الميه ان التعليم الوسيله الوحيده اللي هتخليه علي وضعه في الدنيا كلها ومفيش حد زيه

الشخصيه التانيه

واحد مقضيها خروجات وفسح مرقعه مقتنع نسبه مليون في الميه انه مش هيعرف يوصل لاي حاجه هو عاوزها لان ظروف البلد متشجعش علي اي حاجه اهم حاجه في حياته نفسه يسعد نفسه ازاي حتي لو هييجي علي اقرب الناس ليه

الشخصيه التالته

واحد علي طول في شغله مش بييبص لنفسه هدفه الاساسي في الدنيا طول ممعاك فلوس انت احسن واحد في الدنيا بفلوسك تقدر تشتري اي حاجه تشتري حتي البني ادمين تبسط نفسك بالفلوس الفلوس هيه كل حاجه في الدنيا كلها

الشخصيه الرابعه

واحد عنده اصحابه دول اهم حاجه في حياته كلها طول مهيقدر يحافظ علي اصحابه هيقدر يعمل اي حاجه هو عاوزها بالنسباله الفلوس اه لازم بس لازم الفلوس علشان يقدر يخرج ويروح مع اصحابه يقدر يتفسح معاهم يقدر يقعد معاهم علي القهوه يقدر ينزل معاهم كام يوم في اي حته يغيرو جو وعنده استعداد يعمل اي حاجه علشان اصحابه

الشخصيه الخامسه

ده واحد بقي قرر انه هيكون الانجح في اصحابه دايما بيقول ليه اصحابي باعدين عني ليه الشخص ده احسن مني ليه وليه وليه ولو سالتو ليه انت مش زي صاحبك اللي ناجح ده الرد هيكون هو عقليته احسن مني هو بيفهم وانا لا هو بيشجعو وانا لا

الشخصيه السادسه

واحد كل فكرته عن الدنيا كلها انه لازم يتجوز ويخلف عيال علشان يشيلو اسمو لازم يدور علي بنت الناس اللي هتكون معاه للنهايه مش مهم عنده اي حاجه تاني غير مراته بس بالنسباله الجواز وسيله لتحقيق الخلفه بس دايما بيحاول يدور علي البنت الكويسه حتي لو هو وحش

الشخصيه السابعه

ده شاب لقي نفسه بيضيع في كل حاجه قرر يثبت وجوده خد من الشخصيه الاولي  شغفه وحبه للتعليم وانه لازم يكون ناجح  في دراسته وخد من الشخصيه التانيه انه لازم يخرج ويقضي وقته شويه علشان ميزهقش من التعليم لازم يبص لنفسه شويه وخد من الشخصيه التالته انه علشان يتعلم اكتر وينجح اكتر لازم يحقق اكبر دخل ممكن من الفلوس علشان يعرف يرتب حياته وخد من الشخصيه الرابعه ان اصحابه مهمين اوي علشان لو تعب يقدر يميل عليهم فقرر يحافظ علي العلاقه بينه وبين صحابه وخد من الشخصيه الخامسه انه لازم يكون انجح شخصيه في اللي يعرفهم كلهم من غير اما يبص علي ظروف البلد يحاول يفكر دايما في كل حاجه يبقي احسن فيها ازاي وخد من الشخصيه السادسه انه لازم يكون ليه زوجه تشيل بعض الحمل عنه تخفف عنه تعبه تراعيه وفي نفس الوقت متكونش خدامه ليه بمعني اصح

دمج ال6 شخصيات اللي فوق لحد موصل لمرحله الهيبتا

تعب اه تعب جدا جدا جدا كمان بس في الاخر نفذ كل اللي بيحلم بيه 6 شخصيات تفتكر انت مين في الشخصيات السبعه

المفروض اعمل ايه ؟

كمثال للتوضيح انت شاب في ال20 من عمرك تعمل ايه في الوقت ده علشان تحاول تثبت نفسك

حدد لنفسك هدف بجانب التعليم التعليم شئ اساسي حتي ان كانت المنظومه التعليميه فاشله

شغل مثلا استثمر الوقت الفاضي ليك في الشغل الشغل الاونلاين كمثال حاول تشتغل وتحقق اول جنيه ثابت ليك بعيد عن المصروف

ثقف نفسك اقرا كتير عن اي حاجه محمد ابن خالتك مش احسن منك صاحبك محمود مش بيفهم عنك كلنا واحد في العقليه بس ده نما قدراته وانت اكتفيت بذاتك فقط

علاقتك مع ربنا ايا كان دينك ايه

قرب من ربنا بعلاقتك مع دينك صلي حاول تفهم اكتر في دينك اطلب دايما المساعده من ربنا وصدقني علاقتك مع ربنا الاهم

انا تايهه ومش عارف اعمل ايه ؟!

لا انت مش تايهه انت عاوز تريح دماغك انت قدامك الحلول كتير بس انت عاوز توصل لهدفك بسرعه

النجاح صعب النجاح لو مش صعب كان كل الناس نجحت النجاح لو مش صعب الناس مش هتبصلك انك عملت انجاز كبير وبقيت ناجح النجاح محتاج حد عنده اخلاق عاوز ينجح وينجح كل الناس حواليه حد معترف بكل اخطائه حد بيحاول ويتعب علشان يوصل للي هو عاوزه تفتكر لو النجاح سهل ايه اللي هيميز الناس عن بعض طب تفتكر كان هيكون ليه طعم!

هما ليه بيعملو معايا كده؟!

السوال ده ليه اجابتين مختلفين عن بعض نهائيا

الاولي 

هما بيعملو معاك كده لانك شخص ناجح شخص عندك شغف شخص بتحاول تكون الاحسن دايما شخص مش فارق معاك كلام الناس اذا كنت ماشي صح كارهين يشفوك ناجح وهما لا مستكترين عليك النجاح علشان مش عارفين يوصلولو انت في الطريق الصح اخوات سيدنا يوسف عليه السلام كانو بيكرههو لان ابوه بيحبه اكتر منه فمتسغربش اذا كانو بيعملو معاك كده الاخوات بتغير من بعض احيانا

الاجابه التانيه

انك فعلا ممكن تكون مش الشخص اللي هما كانو فاكرينه انك اناني مش عاوز تفكر لمستقبلك مش بتفكر غير تقضي يومك ازاي هما كارهين يشوفوك كده مستقلينك اوي علشان كده بيتعاملو معاك علي قد عقلق عارفين انك مش هتفهم مش هتحاول تفكر ليه هما بيعملو كده شايفين نفسهم حرام يضيعو وقتهم مع شخص مش عاوز حتي يفكر في بكره

راجع نفسك كويس اوي وابدا صح الوقت بيضيع وانت لسا واقف مكانك

تفتكر هقدر ؟!

بص انا مش هتكلم معاك كتير بس تعالي افكرك بكام حاجه انت عملتهم فاكر لما كان عندك سنه وابتديت تقول بابا وماما انت مش اتعلمت تتكلم لوحدك اهو ؟
طب فاكر لما جاوبت علي السوال في ابتدائي والفصل كله سقفلك والاستاذ قال انت ااشطر واحد عندي في الفصل كله

طب فاكر لما كنت بتقعد تشرح لاصحابك حته معينه في المنهج طب فاكر اليوم اللي كنت غايب فيه من الدرس ومع ذلك رحت مزاكر والاستاذ قالك برافو عليك

طب فاكر لما ابوك بعتك مشوار علشان قالك انت دلوقت راجل البيت ولازم تبقي مكاني تفتكر هو قالك كده من غير ميكون شايفك فعلا بقيت راجل تقف مكانه !

تفتكر انت ليه دخلت المقاله دي الا اذا انت فعلا عاوز تتغير بس مكسل  اه مكسل تتغير عجبك الحال اللي انت فيه عاجبك انك ملكش هدف وزيك زي غيرك انت فعلا اتغيرت بدليل انك كملت لاخر سطر مبروك عليك التغير
ابدا من دلوقت مفيش حاجه اسمها هبدا من بكره اللي بيفوت بيموت لو كسلت الكلام ده بكره هتنساه اصلا لانك اتعودت علي كده فوق من دلوقت